Rodas dentadas

Os engrenaxes son rodas dentadas que engranan entre si para transmitir o movemento circular. Ao encaixar dente con dente non hai esvaramento, así que transmiten grandes potencias cunha relación exacta. Dúas rodas que engranan xiran en sentidos contrarios.

A relación cinemática entre dúas rodas, con z dentes e n revolucións por minuto cada unha, é:

n₁ · z₁ = n₂ · z₂

e a relación de transmisión, i, é:

i = n₂n₁ = z₁z₂

Se a roda de saída ten máis dentes ca a de entrada, o sistema reduce a velocidade e aumenta a forza.

Segundo como estean as árbores hai varios tipos: rodas rectas e helicoidais entre árbores paralelas, rodas cónicas entre árbores que se cortan, e parafuso sen fin e coroa entre árbores que se cruzan. É o sistema de transmisión circular máis empregado.